Четири лица се пренесени во болница со сериозни повреди по пукањето во берлинскиот кварт Кројцберг
Распоредена е вооружена полиција и во тек е потера по осомничените близу станица на метрото.
Според полициските и противпожарните служби во Берлин, инцидентот се случил во берлинската област Кројцберг во раните утрински часови во саботата. Портпарол на полицијата потврди дека имало пукање во кое учествувале неколку лица, но не даде повеќе детали.
Во пораката објавена на Твитер, противпожарната служба на градот соопшти дека три лица се хоспитализирани со сериозни повреди. Две од жртвите биле пронајдени на местото на злосторството додека третото лице било извлечено од блискиот канал со повреда на ногата, објави Берлинер цајтунг. Полицијата подоцна потврди дека четврто лице било повредено во инцидентот.
Локалните медиуми, повикувајќи се на извештаи на очевидци, соопштија дека тешко вооружени безбедносни лица биле распоредени на местото на настанот за да ги бараат оние кои биле вклучени во пукањето. Во акцијата бил користен и полициски хеликоптер.
Властите сè уште се обидуваат да ги утврдат околностите што доведоа до пукање.