Претседателот на Замбија, Хакаинде Хичилема, кој често се опишува како еден од најбогатите бизнисмени во Замбија со пријавена нето вредност од речиси 390 милиони долари, денеска објави дека не примил плата откако стана шеф на државата во август.
Пред да стане претседател на Замбија, Хичилема, кој своето богатство го заработи преку земјоделство и сточарство, се изјасни против зголемувањето на платите на претседателот и владините министри.
„Ова е навреда за обичниот Замбиец кој се бори да купи храна. Претпочитам да им ги дадам на луѓето пари отколку да си ја покачам платата“. Хакаинде Хичилема твитна минатата година.
И покрај тоа што потврди дека работи бесплатно од моментот кога ја презеде функцијата, Хичилема тврдеше дека „не обрнал внимание“ на својата плата бидејќи бил фокусиран на тоа како да го „подобри животот на луѓето“.
Националните медиуми претходно го цитираа Министерството за финансии на земјата дека Хичилема не прима плата откако стана шеф на државата во август, по победата на претседателските избори.