Американскиот претседател Доналд Трамп денеска на Твитер објави дека им наредил на американската морнарица да уништи сите ирански вооружени чамци што малтретираат американски воени бродови во Персискиот залив.
„Им порачав на морнарицата на Соединетите држави да соборат и уништат сите ирански чамци со оружје ако ги малтретираат нашите бродови на море“, објави Трамп во својот твит
На 15 април, прес-службата на Петтата флота на американската морнарица изјави дека вооружени чамци на Иранската гарда на исламската револуција (ИРГЦ) спроведоа опасни маневри во близина на неколку американски воени бродови во Персискиот залив. Според извештаите, иранските вооружени чамци се наоѓале на 50 јарди од американските воени бродови.