Братислава – Влезот на Словачка во еврозоната ја зголеми нејзината привлечност за Германците, соопшти Словачката агенција за туризам (SACR) по Меѓународниот саем за туризам CTM во Штутгарт што се одржа од 17 до 25 јануари.

Презентацијата на SACR доби позитивни одговори за усвојувањето на еврото во Словачка. „Членството во еврозоната го зголеми интересот за летување во нашата земја. Тоа ни помогна на нашиот имиџ во Германија“, велат од SACR, кои допрва треба да составуваат статистика за да ги поддржат повратните информации што доаѓаат од нејзините членови за зголемениот број германски туристи.

Посетителите на саемот најмногу ги интересираа летните и зимските одмори во планините, бањите, термалните паркови, велосипедскиот туризам и знаменитостите на УНЕСКО. Освен усвојувањето на еврото, германските медиуми се фокусираа и на натамошниот развој на туризмот во Словачка.

На саемот учествуваа околу 1,900 изложувачи од 95 земји, а презентациите ги видоа околу 200,000 посетители.