Еритреја доби непожелен божиќен подарок од Советот за безбедност на ОН, кога со гласање 13-0-1 Советот се одлучи за санкции додека земјата „да престане со вооружувањето, обуката и опремувањето на вооружените групи и нивните членови, вклучително и Ал Шабаб. ” Кина, наводно, била воздржана при гласањето и очекувано Либија, во лажно разбирање на солидарноста, гласала против резолуцијата, која сепак поминала со доволно мнозинство. Еритреја претходно беше веќе санкционирана од Африканската унија, а потоа го суспендираше нивното членство во континенталното тело, кога нивниот режим не успеа да соработува со мисии за утврдување факти и се насобраа уште повеќе наводи и посредни докази за шверц на оружје и обука на сомалиски милитантни исламски милиции.

Режимските водачи и бизнисите кои соработуваат сега се исто така предмет на забрана за патување, а наводно во тек е замрзнување на имотот и за поединци, како и за компаниите.

Дури неодамна целата фудбалска репрезентација на Еритреја пребегна во Кенија по фудбалскиот турнир ЦЕКАФА, случајно освоен по рекорден 11-ти пат од Уганда, а сите играчи, наводно, побарале и оттогаш добиле политички азил од кениската влада. Всушност, дипломатите од Еритреја во поблиското минато беа протерани од Кенија поради активности спротивни на нивниот дипломатски статус.

Режимот на Еритреја се смета за еден од најтешките и најтоталитарните на целиот континент и сè уште е во спор со нивните соседи Етиопија околу демаркациите на границите, што доведе до војна меѓу двете земји. Споредено со целокупното население на Еритреја, земјата произведува најмногу бегалци по глава на жител во Африка, што само по себе е знак дека во оваа земја не е сè добро.

Како одговор, режимот издаде изјава во која се вели дека санкциите може „да го зафатат регионот во уште еден циклус на конфликти“ и може само да се надеваме дека ова не е ветување, туку празна закана.