Еуромонитор: Кина ќе ја симне од тронот Франција како најдобра дестинација за патувања во светот до 2030 година

Според извештајот на „Еуромонитор Интернешнл“, вкупно 1.4 милијарди патувања ќе бидат направени низ целиот свет во 2018 година, а се очекува бројот да се зголеми за уште една милијарда во следните 12 години.

„Дестинациите како Кина се подготвени за успешна изведба во влезниот туризам, со Кина до 2030 година ќе ја надмине Франција како водечка дестинација низ целиот свет“, се вели во извештајот.

Најголем дел од зголемувањето на туризмот ќе дојде од рамките на регионот Азија-Пацифик каде патувањата се очекува да се зголемат за десет проценти оваа година. Регионот има корист од брзорастечките економии, како и растечката средна класа во Азија, која сака да потроши повеќе на патувања.

Постепениот процес на олабавување на визните ограничувања го олесни патувањето во Азија-Пацификот, со 80 проценти од пристигнувањата во Азија со потекло од регионот, изјави високиот аналитичар за патувања на „Еуромонитор“, Вутер Гертс.

Тој додаде дека спортските настани, најверојатно, дополнително ќе го зајакнат регионот, со тоа што Токио е домаќин на Летните олимписки игри во 2020 година, а Пекинг на зимската манифестација 2022 година.

„Туризмот е клучен столб на кинеската економија и многу инвестиции се направени за подобрување на инфраструктурата и стандардите, покрај политиките и иницијативите за пријателство кон туризмот“, рече Гиртс.

Кина е четврта најпосетувана земја во светот, со Франција, САД и Шпанија кои се рангирани во првите три, според Светската туристичка организација.

„Еуромонитор“ исто така предупреди дека американската туристичка индустрија може да се соочи со удар доколку ескалираат трговските тензии меѓу САД и Кина.