Туристички брод со десетици луѓе се судри со друг брод и се преврте на реката Дунав во Будимпешта, Унгарија.

Во моментот на несреќата, во средата вечерта, имало најмалку 34 лица, вклучувајќи патници и членови на екипажот, што се случи во близина на иконската зграда на унгарскиот парламент во центарот на градот.

Спасувачките екипи, вклучително и бродот на противпожарната служба, се на терен. Некои од луѓето се веќе спасени, додека потрагата по други продолжува.

Според извештаите, бродот наречен „Сирена“ се превртел откако бил удрен од друг туристички брод.

Потврдено е дека најмалку седум лица се удавиле, а 19 се спасени, соопшти Министерството за внатрешни работи, пренесуваат извештаите на локалните медиуми. Потрагата по другите продолжува.

Бродот потона нешто по 10 часот по локално време, изјави портпаролот на бродскиот оператор за веб-порталот Индекс, потврдувајќи дека 32 патници и 2 члена на екипажот биле на „Сирена“ за време на несреќата.